Skip Ribbon Commands
Skip to main content
Navigate Up
Sign In
نسٹ اور فوجی فرٹیلائزر کمپنی میں علمی تعاون  
 
فوجی فرٹیلائزر کمپنی لمٹیڈ (FFC) کے ہیڈ آف سی ایس آر بریگیڈئیر عابد محمود نے اپنی ٹیم کے ہمراہ نسٹ کا دورہ کیا اور پاکستان میں تعلیمی ترقی کے لئے نسٹ کے ساتھ ایک معاہدے پر دستخط کئے۔ اس موقعہ پر پرو ریکٹر فنانس اینڈ انوسٹمنٹس ‘نسٹ ٹرسٹ فنڈ‘ آفس آف انوسٹمنٹ منیجمنٹ اور یونیورسٹی ایڈوانسمنٹ آفس کے سینئر ارکان بھی موجود تھے۔

نسٹ اور ایف ایف سی نے 6ملین روپے کے ایک ایم او یو پردستخط کئے۔ تعلیم کے اغراض و مقاصد کو روشن تر‘ مفید ترین بنانےکے لئےابتدائی طور پر کمزور مالی پس منظر‘مگر میرٹ پر پُورا اُترنے والے نسٹ میں زیرِ تعلیم تین طلبا و طالبات کو ایف ایف سی کی سونا یُوریا ویلفیئر  فاؤنڈیشن کے تعاون سے تین سال میں مالی بے فکری سے اپنی تعلیمی منزل پر پہنچنے میں مدد ملے گی۔

علم دوستی کے اس چشمےکوجاری رکھنے کے لئے یہ اہتمام کیا گیا  ہے کہ ایف ایف سی کی سونا فاؤنڈیشن مزید دو ملین روپے اسی مد میں دے گی جس سے خیرو فلاح کا یہ مرحلہ وار سلسلہ علم دوستی کے راستے پر رواں دواں رہے گا۔  اس سکیم کے تحت جب پہلے بیچ کے طلبہ فائنل میں پہنچیں گے تو ان کے بعد والی صف میں سال دوئم اور اس سے پچھلی میں  سال اوّل کے طلبہ ایف ایف سی کے عطیے سے فائدہ اُٹھاتے ہوئے اپنے مستقبل کو روشن تر کر رہے ہوں گے۔

امریکہ میں رہنے والے ایک ممتاز پاکستانی تاجر اور جانے پہچانے مخیّر جناب طاہر جاوید بھی اس نشست میں موجود تھے۔ نسٹ میں زیرِ تعلیم طلبہ کے سماجی و طبقاتی اعداد وشمار جان کر حیران رہ گئے۔ اختتامی مرحلے میں جناب عرفان اختر نے ایڈوومنٹس کی اہمیت کا اظہار کیا۔ بریگیڈئیر عابدمحمود نےفروغِ تعلیم کے باہمی سفر کو ’’لانگ ٹرم پارٹنر شپ‘‘ قرار دیا اوروقت کے ساتھ ساتھ اس میں مزید اضافہ کرنے کا وعدہ کیا۔ 

ffc-mou-7jun-17-8.JPG
ایف ایف سی انڈوومنٹ فنڈ اور نسٹ ٹرسٹ فنڈ نےدستاویزاتِ مفاہمت پر دستخط کئے​



Skip Navigation Links.
نیشنل یونیورسٹی آف سائنسز اینڈ ٹیکنالوجی
اسلام آباد پاکستان H-12
2017 © تمام مواد کے جملہ حقوق محفوظ ہیں